小夢近來都想搞搞新意思....所以又再一次整一個特別既蛋糕啦....
其實以前已經post過木糠布甸....而布甸係一杯杯既....
呢個就唔同....係一個蛋糕~
今次呢個蛋糕....同千層蛋糕類似....都係材料預備快....但工夫多...
為左要個蛋糕既層次分明....所以今次我係用唧袋黎唧cream....
而且今次又再加上小夢DIY朱古力葉....襯返個杏色既蛋糕喔~~^_^
做完左之後....真係非常有成功感呀~~*

先比大家睇個側面....係唔係好靚呢~^^?

今次粒士多啤梨好似大個左d呀...哈...因為屋企d士多啤梨都無細粒呀~*

今次我放左兩層雪芳蛋糕....所以口感好好~*

切開比大家睇下啦....係唔係睇見都覺得軟綿綿...好香既味道呢~*

(閱讀全文)

大家好呢~!今日教大家整一個又好味....又特別....口感又好既蛋糕喔~
就係千層蛋糕啦~~~呢個cake既口味都好彈性....
因為裡面既生果.....係可以自選....你鐘意放咩野就放咩野嫁啦~~
我點解突然想整呢個cake....係因為我覺得我成日整來整去都係果幾款...
好似無咩新意思....所以今次就專登選一款cake係可以搞搞新意思啦~^^"
今次仲有老公仔既朋友試食...大家都話好食呀...個個都話正~~
今次咁成功....下次有朋友生日...就有新款cake啦...yeah~
比大家睇下相先啦....今次我放左士多啤梨同埋芒果....
想放藍莓但係無減價呀...唔捨得買呀....好貴唷~~*

呢個蛋糕....最緊要既係組合果一part....手工好緊要.....要每層按實....
如果唔係切開時會唔靚....可能仲有洞洞....咁就唔靚嫁啦~^^~*

睇下幾多生果!! 正呀~~~睇翻相我都流哂口水呀~*

切開都唔易散....唔會易溶....分餅時又一定靚仔整齊....可以拎去賣啦~~yeah~~*

(閱讀全文)

好耐無開爐啦~~~終於到左老公豬一年一度既生日....梗係要大顯身手啦~
話說果日....我地約好左一大班朋友仔....去左觀塘食日式放題呀....
wow....真係好好味嫁bo~~間餐廳叫做 "外野手" 日本料理.....係朋友介紹....
8:30 我地一坐落.....我就請人幫我地放個cake入雪櫃先嫁啦係咪?
點知佢話要收我地切餅費50大元呀....真過份....又唔係酒店....
好在一大班人share返都唔算貴啦....唔緊要....開心最緊要呀嘛....
到左 9:45....我就叫佢地拎出黎啦....點知佢一行埋黎....cake仲拎係佢手...
佢就話 : 不如我幫你地切啦? 好嗎? ...我地即刻大大聲叫住....真火大...
我即刻用一個 "你白痴的嗎?" 既語氣....(係語氣only)....
我話 : 唔好~~~~你....放....低....先...ok?   (誓死保護蛋糕!!!)
(大家一齊心諗....生日蛋糕梗係壽星仔切嫁啦....你到傻傻地...唔洗許願吹蠟燭呀?)
佢一走開...一齊講...佢傻左呀 / 佢無腦 / 好彩叫得住...等等....
我當然嚇到冷汗都出埋啦~~~^_^"
我辛辛苦苦整出黎....佢想連個全相都唔比大家睇下咩?
唔通裝飾得咁辛苦...比佢切到一忽忽咁先上台?!....50蚊都唔洗咁下話?
終於個蛋糕都順利去到最後....吹完蠟燭....切完....大家都話好食....
嘻嘻....真係好開心呀....不過因為佢個雪櫃好似唔涷咁....
定係跟本無雪櫃放=_="....個cake食果時已經有dd溶咁....謝謝地....嗚...
今次我仲係最後....整左3塊朱古力葉放上去....但係之後先發現唔記得左影相呀...
好啦....唔好咁長氣啦....比大家睇下生日會既蛋糕先啦~~*

嘻...上面呢d裝飾....我整左好耐嫁啦....砌左好耐先滿意~^^

為左令佢地唔好因為拎出街而移位....我塗左一層果面光亮劑~*

(閱讀全文)

哇.....大家留唔留意近日d芒果又靚....又大....又甜....又平呀?
真係好興奮....因為我係芒果迷....
所以今次就encore好耐之前做過一次既芒果芝士蛋糕.....等老公豬甜到入心....
希望大家都鐘意食啦.....
今次既蛋糕當然比以前做既靚仔好多啦....話哂我既技術已經由初哥變成資深啦....
比大家睇下我encore呢個cake既相相先~*

等我重貼食譜先~*

香芒芝士蛋糕
(9吋蛋糕模份量)

(閱讀全文)

(閱讀全文)

下面係完成圖....好靚呀~^^

(閱讀全文)

我今次改良既有:
1) 餅底改用無鹽牛油....味道會夾一D...而且無咁漏~
2) 飾面用新鮮藍莓...味道會清D....而且口感新鮮
3) 第一次用啫厘粉做飾面....都算成功
4) 糖份比上一次再減少....所以蛋糕會淡D....無咁甜

完成品呀....係唔係好靚呢~~*

(閱讀全文)

豆腐芝士蛋糕  Tofu Cheese Cake
材料(6吋蛋糕份量)

忌廉芝士 70克  (放軟身)
百福豆腐 180克
糖 25克
魚膠粉 7克
淡忌廉 120克
蛋糕片 1片
椰果肉 30克  (我無落...不過落左口感一定好d)

做法 :
1. 豆腐先用熱水拖一拖， 並且秘去部份水份 。
2. 打軟忌廉芝士， 加入糖打至軟身 。
3. 加豆腐入芝士中，打勻 。
4. 打起淡忌廉 。
5.魚膠粉水溶後加入芝士，並加入(4)， 攪勻 。
6.加入椰果肉至(5)中，攪勻 。
7.蛋糕片放在模中，再倒入(6)， 雪櫃雪兩小時 。


小貼士：
1.豆腐先用熱水拖一拖， 並且秘去部份水份 。
2.豆腐花可以買糖水店未落糖的那些，做出來的餅比較滑， 但豆腐味不太重。用豆腐的話， 做出來的沒有那麼滑，但豆腐味較濃。

食譜來源 : 為食貓

呢個cake好易做....岩哂食素既朋友嫁...^_^

今日做既係....芒果芝士蛋糕...好香芒果味既蛋糕....

今次用左清蛋糕做底嫁....比較健康同埋唔會搶哂d味.....
黎睇下裡面先.....有粒粒芒果肉....口感似布甸...
我老公一食第一啖....第一句就話....咁似係街買果d既?
@@係咪真嫁....咁勁咩我?....做到人地街賣果d質素拿@@??

(閱讀全文)

http://www.rthk.org.hk/elearning/dessert/cake_bbcheesecake.htm

我整完之後....老公大讚好味....真係好成功呀....不過...我就略嫌佢濃味左dd....
不過真係好食....
我今次選用既藍莓果醬....係我在marketplace買既...
佢寫住係有60%fruit...所以係非常健康...鮮味
而且佢係低糖....所以比果d cheap cheap果醬好好多....
我自己可以調較甜味....真係無選錯果jam^_^
個樽係三角型既....都好易認...介紹比大家...^_^

下面係未脫模前既樣....都ok啦....可以見得下人....

(閱讀全文)

今次係整綠茶軟朱古力涷糕...
第一次整算係咁啦....呢個味道係老公選既...
個賣相我好滿意呀....真係幾pro wor~^_^~
呢個係用左7吋模....分兩層....
底果層係朱古力....面果層係綠茶mousse...
而我用來做字既粉....係肉桂粉...
而果d字既模....係我親手用紙界出來的....真係全部百分百親手造....
味道方面我覺得濃左d....可以減少綠茶粉同糖既份量....
不過唔緊要啦....最緊要係心意搭夠嘛.....

來睇下個側面先....黑色粒粒係朱古力脆脆....而星星係家樂氏蜜糖星星....
朱古力脆筒係oreo既....都幾好食嫁....^_^

食譜係跟一本書...叫做 "免焗蛋糕"....但係我覺得...食譜d方法可能有問題...
因為我做過幾次...有大部分都係失敗左....
有d係太太太太甜....有d係無啦啦起哂粒....
而上網睇既方法有唔同....唔好跟足本書...唔一定好....
所以我都好少跟呢本書來做了....^_^"